بسم الله الرحمن الرحيم
جبتلكم اليوم قصيده روعه روعه بكل ما تحتويها من معاني
هي تتكلم عن الشعراء وأحوالهم.......للشاعر نايف معلى
دخل في تصفيات شاعر المليون ماقبل 48
أخليكم مع القصيده بس لا وصيكم اقروها بصوت عالي احلى
كلام له معنى مقفى وموزون
ماهو كلام كيف ماقيل ينقال
وشلون مدري كيف ياكيف وشلون
لا قافيه لا وزن لا نعت لاحال
لاوصف لا تشبيه لا شكل لا لون
يعني سولف لا كن من غير منوال
يعني سولف وسولف واكثر الناس يوحون
حتى لو انك جبتها مالها جال
اهم شئ تكون رزه ومزيون
وبيدك ساعه تعطي ألوان و أشكال
ماغير تلمع كل ما قلت هالون
وأشياء كثير غير هاذي على البال
ياناس ياعالم هو انتم تشوفون
موروث الشعر غدا نصه أخبال
أصبح مجرد شئ زايد ومركون
من عقب ما كان يتنفس ويختال
صار اكسجينه ثاني أكسيد كربون
وتعرضوه صوير وعوير والفال
اللي على نهج الثرا يسيرون
صوير جنب عوير وعوير دجال
وعوير جنب صوير ملسون
عويران لامن قال يالال يالال
وصوير يصرخ ويقول ياخي ابداع وجنون
يامال فرقى العين يامال
حنون يمكن لا إبداع تبطون
والشعر مهما صار باقي ولا زال
وشعارنا في كل وادي يهيمون
مليون لاكن لو تجيبلك منخال
و تنخلهم بنخال ماهوب مليون
وأنا ما أبري نفسي بكل الاحوال
أخاف بالمنخال مع اللي يروحون
لكن ماني بقصير حبال
ولاني من إللي بالقوايل يميعون
يقول إبن جدلان من عرض ما قال
تكفون صونوا كلمه الشعر تكفون
وأنا بقول اليوم عن كل الاقوال
وهــــــذا الصحيـــــــــح وقولــوا إللــي تــقـولـونــه
وســـــــــــــــــــــــــــــــلامتكم
ها ابـــــــــي رايكم فيها