تعلمتوا اللغة الانجليزية في دقائق !!!! تكمله

طيب يلا اللحين انا بعلمكم الالوان وايام الاسبوع :

نبدأ بالالوان :

طيب اللون الاصفر : أنت لما يجي واحد يتصل عليك وش تقول بتقول ( الوو ) طيب الو هي اللون الاصفر yallo .

طيب اللون الاحمر :أنت لما تروح المطبخ وتبي تسويلك اكله بسيطة وفجاة لقيت صرصور في المطبخ الله لايبلانا <<< صارت معاه مشكله مع صرصور . طيب المهم وش رايح تسوي اكيد رايح تجيب مضاد الحشارات ( ريد ) طيب ريد هي اللون الاحمر red .

طيب اللون الاخضر : في مدينة حلوة بالخارج ومخضرة اسمها ( غرين ) طيب غرين هي اللون الاخضر Grean .

طيب اللون الاسود : أنت لما تجي تتهاوش مع واحد بره المدرسة <<< راعي هوشات ههههه وش رايح يقولك بيقولك وش بلاك أنت ارمي الوش وخلي ( البلاك ) طيب بلاك هذه اللون الاسود ( Bllack ) .

طيب اللون الابيض : أنت لو عندك خزان ماء في البيت اذا فضى وش رايح تجيب أكيد ( وايت ) طيب وايت هي اللون الابيض White .

طيب نروح أيام الاسبوع :

طيب يوم السبت : أنت اذا جيت تدعي لله تقول يارب استر طيب ( ستر ) هي يوم السبت Satr Day .

طيب يوم الاحد : اذا جيت انت والشباب تلعبون بلوت وجاء واحد قال حك أنت رايح تقول ( صن ) طيب صن هذه يوم الاحد Sun Day .

طيب يوم الاثنين : طيب يوم انعزمت عند واحد وجاك واحد قال العزيمة وشو انت رايح تقوله ( مندي ) طيب مندي هذه يوم الاثنين Mon Day .

طيب يوم الثلاثاء :أنت اليوم الثاني بعد العزيمة جيت اشتقت للمندي وكان نفسك تعزم اخوياك على ( تيوس ) طيب تيوس هذه يوم الثلاثاء Tuose Day .

طيب يوم الاربعاء : طيب عندك واحد خويك وعنده مشكله في اسنانه لازم بعد كل كلامه ينطق ث ( يعني بالعربي يصفر في كلامه ) طيب انت جيت قلتله تجي معي هو رايح يقول ( وينث ) طيب وينث هذا يوم الاربعاء Wendse Day .

اما يوم الخميس والجمعة فاجازة كلنا مانشتغل ولا ندرس يوم الخميس والجمعة يعني مالها داعي تعرفونها ههههههههههه

Thank you for the outstanding issue Wink

ياسلام عليك اخوي الغرام الضائع ابدعت والله

تسلـــــــــــــــــــم يمناك وفي انتضار جديدك المميز

تقبل مروري وتحياتي لك

دمتـــ على محبهـــ

» تعلمتوا اللغة الانجليزية في دقائق !!!!
» دقائق يوميا للصحة والشباب
» عمل ماينقطع عنك لين يوم القيامه ولايستغرق منك اكثر من5 دقائق