هلا بكل من جانا وحيا

اليوم مالي خاطر اكتب قصيده=خلاص انا عزلت مانيب رايق
الصدر ضايق والفكر صك قيده=من جد مالي خلق مانيب فايق
ما عاد ابي شعر ومعاني فريده=مدام خلي صدره اليوم ضايق
عزمت انا اترك كل معنى اجيده=بترك شعوري ينقلع للخلايق
بطعن خفوق الشعر واقطع وريده=بشعل وسط بيت القصيده حرايق
بترك شعوري في عمود الجريده=نقط ... نقط .... شاعر وماهوب لايق
لاصرت ضايق حيل ما اكتب قصيده=والحين انا من جد ... من جد ضايق
ضايق وكاتب لي قصيده جديده=وشلون اجل لو كنت بالحيل رايق؟