بنت الجزيرة‏ للأمير طلال الرشيد

وهو غني عن التعريف ولكن هذا موجزقصير لسيرته الذاتية
هو الامير طلال بن عبدالعزيز الرشيد من أمراء شمّر ولد عام 1383 توفي والده رحمه الله بينما كان -الملتاع- صغيرا في السن
تخرج من كلية العلوم الادارية من جامعة الملك سعود واتم تعليمه في الولايات المتحدة الامريكية تزوج عام 1407له من الاولاد ابنين هما نواف وعبدالعزيز ، أسس مجلة فواصل عام 1994 واسس بعدها الكثير من المجلات بالاشتراك مع بعض الادباء والامراء واالمفكرين ، توفي عام 1424 اثر طلق ناري قرب جبل ابو كحيل في الجزائر .

قصيدة اليوم هي بعنوان

بنت الجزيرة

يابن الحلال ان طعتني خل الاسراف
واترك جمال الغيد لاهـل البصيـره

الزين موبس في الملامح والاوصاف
الزين روح وعفـه وطيـب سيـره

مانيب من يهـوى سريـا وانصـاف
انـا هـواي وبـس بنـت الجزيـره

بنت الخليج اللي تمـاري بالاعـراف
وحنـا نمـاري باسمهـا كـل ديـره

مالي غرام بقـول وخـا وبالـزاف
اذبحتني عنـد الطرحـه المستديـره

احب قولة ياهـلا وعـل وماخـلاف
من بنت ثوبي بنت الارض النضيـره

اللي تحلاها الظبي حلـو الاطـراف
جمـال فـي عفـه ورقـه وغيـره

واللي بها سحر مهو سحـر عـراف
ياعـل عيـن ماتـراهـا ضـريـره

عطف وحنان وذوق في لين الاعطاف
والى كشفت لثامهـا شفـت أميـره

صعب على اللي بالردي شاف ماعاف
وحلوه علىاللـي سنـه الله ضميـره

شمس الى من اشرقت والدجا طـاف
غابت نجومك غصب لو هي كثيـره

السيف مايزهى سوى كـف سيـاف
والخيـل دون حصانهـا مستخيـره

بس أنت دورلك على قـدك لحـاف
وان طعتنـي دور بدلنـا عشـيـره

رحم الله الامير طلال الرشيد رحمة واسعة واسكنه فسيح جناته

تسلم يالغالي
تقبل مروري البسيط
تحياتي لك

» سياره الامير خالد بن طلال